Siccaro Supreme 2.0 er ný og endurbætt útgáfa af Supreme Pro, vinsælustu ábreiðunum frá Siccaro.

Velkomið að hafa samband á dyralif@dyralif.is ef þið eruð í vafa með stærð :)

Þurrkaðu hundinn þinn á mettíma með áhrifaríkri Siccaro Supreme 2.0. Það þarf ekki að taka meira en u.þ.b 15 mínútur að þurrka blautan hund, og með þurrkábreiðu losnaru við bæði lyktina af blautum hundi og fjallið af handklæðum sem þarf alltaf að þvo. Hið mjög svo rakadræga bambus efni vinnur alla vinnuna og er fullkomið til að nota eftir dag á veiðum eða eftir göngutúr í rigningunni.

Siccaro Supreme 2.0 er ný og endurbætt útgáfa af Supreme Pro, vinsælustu ábreiðunum frá Siccaro.

Þær eru frábærar til að hafa með sér þegar hundurinn er búinn að vera úti í blautu veðri eða synda. Ábreiðan tryggir það að hundurinn þornar á skömmum tíma ásamt því að halda á honum hita. Það er gott að setja Siccaro ábreiðu á hundinn eftir langan dag í vinnu eða eftir langa æfingu þar sem vöðvar hundsins kælast rólega niður.

Supreme 2.0 hefur hátt hálsmál með endurskins línum meðfram saumunum fyrir betri sýnileika á dimmum kvöldum. Lengd og lögun gefur besta möguleikann á því að þurrka og hita allan hundinn eftir langan göngutúr eða bað – án þess að skerða hreyfingar hans. Það er hægt að bretta hálsmálið niður.

• Dönsk hönnun
• Þurrkar ca 90% af feldinum á ~15 mínútum (fer eftir lengd og þykkt feldsins)
• Dregur í sig meira en 7 sinnum sína eigin þyngd af vatni
• Lyktareyðandi og bakteríudrepandi
• Þurrkar og heldur hita á hundinum í blautu og köldu veðri
• Kælir hundinn í heitu veðri
• Auðvelt að setja á hundinn og klemman tryggir að auðvelt er að stilla ábreiðuna af
• Má þvo í þvottavél á 30°C en mælt með að nota milt þvottaefni (sjá þvottaleiðbeiningar neðar).

Supreme 2.0 – 400g af mjög rakadrægu Wet2Dry viskós

Innra lagið samanstendur af óofnu viskós, sem gerir ábreiðuna einstaklega áhrifaríka til að þurrka blautan feld. Supreme 2.0 hefur 400g af Wet2Dry sem er hámarks rakadrægni og hentar einstaklega vel fyrir hunda með þykkan og mikinn feld. Hægt að nota ábreiðuna nokkrum sinnum yfir daginn án þess að hengja upp til þerris á milli. Viskós efnið er haft grátt á litinn til að óhreindindi verði minna áberandi. 

Hvernig skal velja rétta stærð af Siccaro ábreiðu

ATH: Supreme 2.0 getur verið í sumum tilfellum frekar stórar stærðir, en það útskýrist af víðari hálsmáli. Ef hundurinn þinn er með grannan háls og líkama, væri betra að taka stærðina fyrir neðan. Einnig fást ábreiðurnar í hálfum númerum.

Hvernig á að mæla hundinn?

1. Fáðu hundinn til að standa beinan með höfuðið upp
2. Fylgdu framfæti hans upp og að þeim punkti þar sem hálsinn byrjar
3. Mældu frá þeim punkti og alveg að rót skottsins. 
4. Síðan ferðu í töfluna hér fyrir neðan og finnur lengd baksins í cm og þá sérðu hvaða stærð ætti að passa.

Einnig geturu séð hvernig hundurinn er mældur á myndbandinu (það er á ensku og hægt að setja enskan texta). 

 STÆRÐARTAFLA (Fyrir Supreme 2.0 og Smart ábreiður)

Hvernig á að þvo Siccaro ábreiðu?

Það þarf ekki að þvo Siccaro ábreiðu eftir hverja notkun, nema þér finnist það nauðsynlegt. Það er ekkert mál að nota ábreiðuna nokkrum sinnum áður en þörf er á að þvo hana.

Hér eru 7-skrefa leiðbeiningar um hvernig er best að þvo ábreiðuna og á þetta við um allar gerðir.

1. Þvo í þvottavél eða í höndum á 30°C
2. Það er mikilvægt að nota stutt þvottakerfi
3. Forðist að láta ábreiðuna liggja lengi í bleyti
4. Notið þvottaefni án ensíma, fyrir bestan árangur. Það getur verið að þessi efni séu merkt sem „non bio“ og er mælt með að nota fyrir náttúruleg efni (t.d ullarþvottaefni). Ef þú átt ekki til svona þvottaefni að þá er næst besti kosturinn að nota venjulegt þvottaefni.
5. Strekktu á efninu meðan það er enn blaut (líkt og með ullarpeysur) til að koma í veg fyrir að efnið dragist saman.
6. Hægt er að setja á mildan þurrk í þurrkara eða taka í burtu mesta vatnið með því að vinda ábreiðuna í höndunum og hengja síðan til þerris. Það má alltaf búast við ca 5% minnkun vegna þráðanna í viskós efninu.
7. Ekki þurrka í beinu sólarljósi til að varðveita litinn á ábreiðunni sem best.

ATH: Wet2Dry efnið nær hámarks drægni eftir nokkur skipti af þvotti og þurrkun.

Ef sylgja verður fyrir skemmdum, hafðu samband og við getum pantað nýja fyrir þig.

Um Siccaro

Stofnandi Siccaro er Lissen Marschall og eiga hundar og hestar stóran stað í hjarta hennar. Hún eignaðist hundinn Lunu árið 2013 sem var með þykkan krullaðan feld og elskaði að hoppa ofaní Sorø vatn hvenær sem tækifærið gafst.

Hugmyndin að því að hanna þurrkábreiður kom út frá allt öðru verkefni, sem hafði ekkert með hunda að gera. Á þeim tíma var Lissen í samstarfi með enskri hárgreiðslukeðju sem var að leita að nýrri og nýstárlegri leið til að þurrka hár, aðferð sem tæki styttri tíma og væri skilvirkari heldur en hefðbundin handklæði eða örtrefjaklútar. Eftir um eitt og hálft ár í þróun varð til nýtt ofur rakadrægt efni.

Lissen sagði vinkonu sinni frá efninu sem endaði á að fá að láni nokkra metra til að þurrka Púðlu hundinn sinn eftir bað. Efnið virkaði vonum framar og var í raun svo gott að hjá Lissen kviknaði sú hugmynd að hanna kápu sem hundurinn gæti verið í, svo hún fór í frekari þróunarvinnu.

Luna varð næsta tilraunardýr og komst Lissen að því, henni til mikillar gleði, að nýja efnið þurrkaði Lunu ekki aðeins á um 15 mínútum, heldur dró það einnig verulega úr lyktinni sem fylgir blautum hundi og í raun hvarf hún næstum því.

Árið 2014 var fyrsta Siccaro þurrkábreiðan, the SupremePro, kynnt til leiks á veiðihátíð. Veiðimennirnir voru fyrstu viðskiptavinirnir sem samþykktu þessa nýju vöru. Þeir uppgötvuðu fljótt að fyrir vinnuhundinn var bæði hagnýtur og heilsufarslegur ávinningur af því að verða þurr og hlýtt á skömmum tíma, sérstaklega á veturna. Siccaro gerði í kjölfarið samning við bæði dönsku lögregluna og varnarliðið en þeim fannst þurrkábreiðurnar virka mjög vel og vera gagnlegar í sínu starfi með hundunum.

Með svo góðan stuðning, stækkaði Siccaro teymið. Markmið þeirra er að hjálpa hundaeigendum að eiga auðveldara hversdagslíf með hundunum sínum ásamt því að hafa heilsu og vellíðan hundsins í fyrirrúmi. Siccaro byrjaði í Danmörku, en stækkaði ört út fyrir landamærin og hafa í dag endursöluaðila í yfir 22 löndum um allan heim.

Skrifstofa þeirra er staðsett í litlum bæ á Sjálandi, Sorø. Þaðan er unnið hart að því að breiða út þekkingunni um bestu leiðina til að þurrka hundinn, ásamt því að þróa þær vörur sem til eru og hanna nýjar eftir óskum viðskiptavina.

Gildi Siccaro

Siccaro kappkostar við að styrkja vellíðan og þægindi bæði fyrir hund og eiganda. Tímanum er ekki eytt í vörur sem Siccaro hefur ekki sjálft trú á. Því eru aðeins sett á markað nýstárlegar og vel ígrundaðar vörur sem ekki er auðvelt að finna annarsstaðar.

Sjálfbærni er mikilvæg og reynir Siccaro ávallt að finna loftlagsvænar lausnir í stað þess að stytta sér leið með ódýrum hætti. Sem dæmi er bambus notaður í þurrkábreiðurnar, sem hefur ákveðna kosti yfir önnur efni eins og bómull og örtrefjar (microfiber). Endurunnið plast úr plastflöskum er notað fyrir innri 3D kjarnann á þurrkmottunum, endurnýtt Econyl (endurunnið efni úr t.d fiskineti sem er safnað úr sjónum) er notað í hálsólar og tauma. Síðast en ekki síst eru vörur Siccaro af háum gæðaflokki og endast í mörg ár.

Wet2Dry tæknin

Kjarninn og hjartað í þurrkábreiðum Siccaro er Wet2Dry® tæknin: tvö lög sem vinna saman í því að frásoga vatn frá feldi hundsins og hleypa því í burtu. Í öllum vörum í Wet2Dry línunni, samanstendur innra lagið af sérhannaðri óofinni viskós blöndu sem hámarkar rakadrægni og endingu.

Þræðirnir í viskós efninu hafa sérstaka eiginleika til að draga í sig vökva og halda honum. Þetta gerir það að verkum að efnið er frábær valkostur fyrir vörur þar sem rakadrægni þarf að vera fyrsta flokks. Þegar viskós er unnið á réttan hátt, er jafnvel hægt að þvo það í þvottavél og því hægt að nota aftur og aftur.

Ytra lag Supreme 2.0, Solution og Smart er gert úr frotte efni (e. Terry cloth), sem er gert úr lífrænum bambus trefjum. Hvernig frotte efnið er unnið gerir efnið tilvalið til að draga í sig og halda raka. Samanborið við bómul hefur viskós mun betri bakterídrepandi- og rakadrægni eiginleika, sem dregur verulega úr lyktinni af blautum hundi.

Tveggja laga Wet2Dry tæknin var þróuð hjá Siccaro eftir um 3 ára rannsóknarstarf. Þessi tækni getur dregið í sig meira en sjö sinnum sína eigin þyngd í vatni. Þrátt fyrir það andar efnið þar sem það hefur verið hannað þannig að það leyfir rakanum að gufa upp.

Viskós skilur ekki eftir sig örplast.